2023 йилда қон орқали допинг синамалари 5 та Туркия махсус лабораторияга таҳлил учун юборилган. Бу ҳақда бугун, АОКАда Миллий антидопинг агентлиги мутасаддилари иштирокида ўтказилган матбуот анжуманида хабар қилинди.
Ўзбекистон ва Корея антидопинг агентликлари орасида имзоланган меморандумга кўра, Кореяда 7 нафар агентлик мутахассислари малака оширган. Бундан ташқари, 12 нафар допинг офицер ва шаперонларни тайёрлаш курсида ўқитилиб, сертификат берилган.
Бутунжаҳон антидопинг агентлигининг халқаро допинг офицер тайёрлаш курсида 3 нафар агентлик мутахассислари (А.Солиев, Н.Эшкувватов, А.Мансурова) ўқитилиб, Халқаро тоифадаги допинг офицерлар тайёрланган. Таъкидланишича, уларга халқаро мусобақаларда допинг олиш ҳуқуқи ҳам берилган.
Жорий йил 6 ойида жами 244 та допинг синама олинди. Йил бошидан шу вақтга қадар 5 та спортчида тақиқланган модда борлиги аниқланган,- дейилади хабарда.
