• 12 482 сум
    69.4
  • 14 541 сум
    154.08
  • 155 сум
    0.95
  • БРВ
    412 000 сум
  • МРОТ
    1 271 000 сум
Ру
  • 12 482 сум
    69.4
  • 14 541 сум
    154.08
  • 155 сум
    0.95
  • БРВ
    412 000 сум
  • МРОТ
    1 271 000 сум
Общество 10 июля 2023

Тошкент шаҳар ва вилоятда 200 та видеокузатув камералари ўрнатилмоқда

Ушбу камералар белгиланмаган жойларга чиқинди ташлашни ёзиб олишга мўлжалланган.

483
0

Экология вазирлиги Матбуот хизматининг хабарига кўра, Тошкент шаҳри ва Тошкент вилоятидаги ноқонуний чиқинди ташланадиган жойларда 25 та замонавий камералар ўрнатилиб, диспетчерлик ва онлайн мониторинг марказий бошқармаси томонидан онлайн режимда кузатилмоқда.

Маълум қилинишича, ҳозирда қўшимча 200 та кузатув камерасини ўрнатиш ишлари олиб борилмоқда.

"Келгусида эса бундай камералар бутун мамлакат бўйлаб ўрнатилади. Мақсад чиқиндиларни дуч келган жойга ташлаб кетиш ҳолатларига бутунлай чек қўйишдир",- дейилади хабарда.

Эслатиб ўтамиз, МЖтКнинг 91-моддасига кўра, саноат, маиший ва бошқа чиқиндиларни тўплаш, ташиш, жойлаштириш, зарарсизлантириш, сақлаш, утилизация қилиш, қайта ишлаш, реализация қилиш чоғида табиатни муҳофаза қилиш талабларини бузиш фуқароларга БҲМнинг 3 бараваридан 5 бараваригача, мансабдор шахсларга эса 5 бараваридан 7 бараваригача миқдорда жарима солишга сабаб бўлади.

Худди шундай ҳуқуқбузарлик маъмурий жазо чораси қўлланилганидан кейин бир йил давомида такрор содир этилса, фуқароларга БҲМнинг 5 бараваридан 10 бараваригача, мансабдор шахсларга эса 10 бараваридан 15 бараваригача миқдорда жарима солинади.

483
0