ФВВ Матбуот хизматининг хабарига кўра, 15 июнь Мирзо Улуғбек тумани “Олий Ҳиммат” МФЙда жойлашган уйларнинг бирида қурилиш мақсадида қазиш ишлари олиб борилаётган бўлган. Шу вақтда уйнинг бир қисми бузилиб кетган ва қулаган девор остида 2 ёшли қизалоқ қолиб кетган.
Бу бўйича Тошкент шаҳар ФВБга ташвишли хабар келиб тушган. Зудлик билан воқеа жойига ФВВ қутқарувчилари етиб бориб, қизалоқни олиб чиқишган ва зарурий тиббий ёрдам учун шифокорларга топширишган.
“Ҳозирда қизалоқнинг аҳволи яхши. Ҳодиса оқибатида ҳалок бўлганлар йўқ”, — дейилади хабарда.
