Uzbekistan Airports'нинг хабарига кўра, Эроннинг "Qeshm Air" авиакомпанияси Самарқандга тўғридан-тўғри рейсларни йўлга қўймоқда.
Таъкидланишича, жорий йилнинг 21 июнь санасидан бошлаб Теҳрон-Самарқанд-Теҳрон йўналишида мунтазам йўловчи қатновлари йўлга қўйилади. Рейслар ҳафтасига бир марта - чоршанба кунлари шинам Airbus А320 самолётларида амалга оширилиши режалаштирилган.
Маълумот ўрнида, "Qeshm Air" — 1993 йилда ташкил этилган бўлиб, штаб-квартираси Теҳронда жойлашган. Мазкур Эрон авиакомпанияси маҳаллий ва халқаро йўловчи рейсларини, шунингдек, чартер рейсларини амалга оширади.
