Наманган вилояти ИИБ Ахборот хизматининг хабарига кўра, ҳодиса 10 февраль куни соат 09:10да Наманган шаҳридаги Сардоба МФЙнинг Навоий кўчасида содир бўлган.
Аниқланишича, Isuzu русумли автобус ҳайдовчиси бекат олдида йўловчиларни олиб, автобус эшигини ёпмай ҳаракатни давом эттирган ва эшикларни ёпган вақтида, орқа эшикда турган йўловчи эшикка қисилиб қолиб, ерга йиқилган.
Натижада йўловчи оғир тан жароҳати олиб, воқеа жойида вафот этган.
Ушбу ҳолат бўйича ЎзР ЖКнинг 266-моддаси 2-қисми билан жиноят иши қўзғатилган.
