Вазир тадбирнинг савол-жавоблар қисмида ҳудудлардаги ерларнинг аукционсиз тадбиркорларга бериб юборилаётгани борасидаги маълумотларга муносабат билдирди.
– Бугунги кунда қонунчиликда баъзи ҳолларда аукционсиз ер бериш ҳолатлари бор. Ўша имкониятлардан турли йўллар билан кўп фойдаланиб қолишяпти.
Шунинг учун биз ҳужжат лойиҳасини тайёрладик. Биз у ерда ҳамма нарсани ёпиб чиқдик: фармойиш билан ҳам мумкинмас, бириктириш йўли билан ҳам мумкинмас ва ҳаказо. Умуман олганда ерга аукционсиз тегиб бўлмайдиган қиляпмиз.
Аслида, бутун дунёда ҳам тўғридан-тўғри ер ажратиш ҳолатлари бор. Жаҳон банки стандартлари ҳам буни “мумкин” дейди. Лекин унинг ўзига яраша тартиблари бор. Яъни тизим шаффоф бўлиши керак: кимга ва нимага бериляпти, бенифициари ким, манфаатлар тўқнашуви йўқми каби масалалар очиқланиши керак, - дейди Адлия вазири.
