Фарғонада ўлим билан боғлиқ ЙТҲ содир бўлди. Бу ҳақда вилоят ИИБ Матбуот хизмати хабар берди.
Маълум қилинишича, 22 апрель куни соат 08:00 ларда 1998 йилда туғилган А.Т. Gentra'ни шаҳарнинг Туркистон-Пўстиндўз кўчалари кесишган чорраҳада бошқариб келаётган вақтда 1972 йилда туғилган Б.Х. бошқарувидаги Mersedes-benz русумли автомашина 2-даражали йўлдан чиқиб келиши натижасида, ЙТҲ содир бўлган.
Оқибатда, Mersedes-benz'да бўлган 2 нафар йўловчи оғир тан жароҳати олиб, ҳодиса жойида вафот этган. Икки ҳайдовчилар тан жароҳати олиб, шифохонага ётқизилган.
Ҳолат юзасидан терговга қадар текширув ҳаракатлари олиб борилмоқда.
