17 апрель куни "Бунёдкор" ва "Насаф" футбол клублари ўртасидаги ўйинда футболчилар ўртасида оммавий муштлашув содир бўлгани ҳақида хабар бергандик. Мазкур ҳолат ЎФА Тартиб-интизом қўмитаси томонидан кўриб чиқилди. Текширув натижалари ЎФА расмий веб-сайтида эълон қилинди. Тартиб-интизом қўмитасининг қарорига кўра:
"Насаф"
— "Насаф" футбол клубига нисбатан жарима интизом чораси;
— Умар Эшмуродовга нисбатан 2 та ўйинга четлаштириш интизом чораси;
— Жамоа бош мураббийи Рўзиқул Бердиевга нисбатан 5 та ўйинга четлаштириш ва жарима интизом чораси;
— Футболчи Абубакир Ризо Турдиалиевга нисбатан 4 та ўйинга четлаштириш ва жарима интизом чораси;
— Футболчилар Абдувоҳид Неъматов ва Матеус Лима Крузга нисбатан жарима интизом чораси қўлланилди.
"Бунёдкор"
— "Бунёдкор" футбол клубига нисбатан жарима интизом чораси;
— Жамоа мураббийи Ҳикмат Ҳошимовга нисбатан жарима интизом чораси;
— Футболчи Даврон Эргашевга нисбатан 5 та ўйинга четлаштириш ва жарима интизом чораси;
— Футболчилар Усмонали Исмоналиев ва Аҳмаджон Анваровга нисбатан жарима интизом чораси қўлланилди.
