Самарқанд вилояти Ургут туманида 3 ёшли боланинг жасади ариқ бўйидан топилди. Бу ҳақда Бош прокуратура матбуот котиби Ҳаёт Шамсутдинов UzNews.uz'га хабар берди.
Маълум қилинишча, бугун, 3 апрель куни соат тахминан 11:00 да Ургут тумани "Истиқлол" маҳалласидаги хонадон ёнидан оқиб ўтувчи ариқ сел оқибатида тошиб кетган. Натижада, тумандаги "Гулистон" МФЙда 2020 йилда туғилган А.А.нинг мурдаси ариқ четига чиқиб қолган ҳолатда топилган.
Марҳумнинг ўлими сабабларини аниқлаш учун суд-тиббиёт экспертизаси тайинланди.
Ушбу ҳолат юзасидан терговга қадар текширув ўтказилмоқда.
