Андижонда пулларни сохталаштириб, тез фурсатда бойиб кетишни кўзлаган "шоввоз"лар қўлга олинди. Бу ҳақда Андижон вилояти ИИБ матбуот хизмати хабар берди.
Маълум қилинишича, ўтказилган рейд тадбири давомида 5 нафар шахс сохта 20 млн сўмни ҳақиқий 7 млн сўмга алмаштираётганда қўлга олинган.
"Мазкур ҳолат юзасидан фуқароларга нисбатан ЖКнинг 176-моддаси 2-қисми "в" банди билан жиноят иши қўзғатилган. Уларга нисбатан қамоққа олиш эҳтиёт чораси қўлланилган. Ҳозирда дастлабки тергов ҳаракатлари давом этмоқда",- дейилади хабарда.
