Равшан Ҳайдаров бошчилигидаги Ўзбекистон U-20 терма жамоаси Осиё кубоги финал босқичида эртага Ироқ ёшлар терма жамоасига қарши баҳс олиб боради. Ушбу учрашув олдидан Ўзбекистон U-20 терма жамоаси бугун Тошкентдаги "Локомотив" стадионида финал ўйини олдидан машғулот ўтказди. Машғулотдан олинган суратларни қуйида томоша қилишингиз мумкин. Суратлар муаллифи Жаҳонгир Сотволдиев.
Эслатиб ўтамиз, Ўзбекистон U-20 терма жамоаси эртага, 18 март куни Тошкентдаги "Бунёдкор" стадионида Ироқ ёшлар терма жамоасига қарши финал учрашувида майдонда саф тортишади. Учрашув соат 19:00 да бошланади.
