Президентнинг тегишли қарори билан 2021 йил 1 апрелдан бошлаб заргарлик буюмларига асиллик даражаси тамғаси ва ишлаб чиқарувчининг шахсий тамғаси механик (зарб) ёки лазер усуллари ёрдамида туширишга рухсат этилмоқда. Бунда тамғалаш усули заргарлик буюмларини ишлаб чиқарувчилар томонидан мустақил белгиланади.
Шунингдек, эндиликда аффинаж фаолиятини амалга ошириш ҳуқуқи учун лицензияга эга бўлган юридик шахсларга ўзлари ишлаб чиқарган ўлчовли ёмбиларни жисмоний ва юридик шахсларга сотишга ҳамда заргарлик буюмларини ички ва ташқи бозорларда электрон тижорат орқали сотишга рухсат берилади.
