Аввалроқ, Ижтимоий тармоқда Жиззах шаҳридаги “Истиқлол” болалар боғида ўсмирлар ўртасида кечган жанжал видеотасвирлари тарқалди. Вилоят ИИБ ҳолат юзасидан маълумот берди.
Маълум бўлишича, келишмовчиликка Шароф Рашидов туманидаги ўрта умумтаълим мактабларидан бирида ўқийдиганлар томонидан очилган Telegram'даги ўзаро ёзишмалар сабаб бўлган.
Аниқланишича, жанжалда касб-ҳунар мактаблари ўқувчилари, шунингдек олий ўқув юртлари талабалари ҳам қатнашишган.
Айни пайтда Жиззах шаҳрининг "Бобур" маҳалласида яшовчи Э.Ҳ., "Иттифоқ" маҳалласида истиқомат қилувчи Р.Н. ҳамда Шароф Рашидов тумани туманининг "Бўстон" маҳалласида яшовчи М.Ҳ. каби 9 нафар қиз иштирокида кечган жанжал юзасидан терговга қадар текширув ҳаракатлари олиб борилмоқда. Текширув натижаларига кўра қонунбузарлар ёки уларнинг ота-оналарига тегишли ҳуқуқий чоралар кўрилади.
