Ўзбекистон Ташқи ишлар вазирлиги баёнотига кўра, вазирлик Афғонистонда хотин-қизларнинг давлат ва хусусий олий ўқув юртларида таълим олишига тақиқ қўйилгани тўғрисидаги хабарни чуқур ташвиш билан қабул қилган.
"Афғон халқининг тинч ва фаровон келажакни барпо этиш йўлидаги интилишларини қўллаб-қувватлашга қаратилган қатъият белгиси сифатида ушбу қарор қайта кўриб чиқилишига умид қиламиз", - дейилади баёнотда.
Эслатиб ўтамиз, аввалроқ Толибон барча афғон аёлларини университет ва олий ўқув юртларида ўқишини тақиқлаганди.
