Самарқанд вилояти ИИБ Матбуот хизматининг хабарига кўра, 2023 йил 1 январь куни соат 21:30 ларда Самарқанд тумани Уста Умар Жўрақулов кўчасида Audi русумли автомашинаси олдига ўзи билан бир йўналишда кетаётган икки нафар пиёдаларнинг югуриб чиқиши натижасида ҳайдовчи Б.У. уларни уриб юбориб йўл транспорт ҳодисаси содир қилган.
ЙТҲ оқибатида пиёдалар вафот этган.
Ҳолат юзасидан Самарқанд тумани ИИБ ҳузуридаги Тергов бўлими томонидан ЖК-266 моддаси 2-қисми билан жиноят иши қўзғатилиб, гумонланувчи процессуал тартибда ушланган.
Ҳозирда дастлабки тергов ҳаракатлари олиб борилмоқда.
