"Вкусно - и Точка" тез овқатланиш тармоғи бош директори Олег Пароев франшизани сотиш ва брендни МДҲ мамлакатлари, шунингдек McDonald's мавжуд бўлмаган бошқа хорижий давлатлар бозорларига киритиш имкониятини эълон қилди. Бу ҳақда ТAСС хабар бермоқда.
"Aгар биз McDonald's мавжуд бўлмаган мамлакатлар ҳақида гапирадиган бўлсак, биз уларни кўриб чиқишдан мамнунмиз. Aгар МДҲ давлатлари ҳақида гапирадиган бўлсак, булар Aрманистон, Ўзбекистон, Қирғизистондир”, — деди Олег Пароев.
Унинг қўшимча қилишича, "Вкусно - и точка" МДҲдан ташқари мамлакатларга - McDonald's мавжуд бўлмаган мамлакатларга ҳам бориши мумкин. Бундай йирик давлатлардан бири Эрондир.
Тармоқ эгасининг сўзларига кўра, McDonald's корпорацияси билан келишувга кўра, “Вкусно - и точка” McDonald's жойлашган бозорларда ишлай олмайди.
