Бугун, 10 ноябрь куни Самарқанд шаҳида бўлиб ўтаётган Туркий давлатлар ташкилоти саммити доирасида Ўзбекистон президенти фармони билан Туркия президенти Режеп Таййип Эрдоған "Олий даражали Имом Бухорий" ордени билан мукофотланди. Мукофотни Шавкат Мирзиёев топширди.
"Ҳурматли Ражаб Таййип Эрдоған жаноби олийлари! Сизларни Самарқандда кўриб турганимдан хурсандман. Бугун тарихий воқеа. Бугун қардошим Ражаб Таййип Эрдоған Ўзбекистоннинг олий даражали "Имом Ал-Бухорий" ордени билан тақдирланди.
Хабарингиз бор, 2017 йили БМТнинг 72-сессиясида улуғ бобомиз Имом Ал-Бухорийнинг меросини ўрганиш ҳақида гапиргандим ва ўша пайтда Туркия президенти, қардошим Ражаб Таййип Эрдоған бу фикрларни қўллаб-қувватлаган эди. Ўзбекистонда Имом Ал-Бухорий номидаги Тошкент Ислом университети фаолият кўрсатмоқда", - деди Ўзбекистон президенти Шавкат Мирзиёев.
