Аввалроқ, ижтимоий тармоқда Тошкентда кучли ёмғир ёғгани натижасида йўлларга сув тошиб кетгани акс этган видео тарқалди. Тошкент шаҳар ҳокимлиги мазкур ҳолатга муносабат билдирди.
Қайд этилишича, шу кунларда коммунал ва ободонлаштириш соҳаси вакилларининг асосий кучлари ариқлар ва дренаж тизимларидаги чиқиндиларни чиқаришга ва сув йўлларини очишга қаратилган.
“Ушбу вазиятнинг ягона сабаби – чиқиндиларнинг белгиланган жойларга эмас, балки йўлларга ва ариқларга ташлаб кетилиши.
Келажакда бундай ҳолатлар қайтарилмаслиги учун чиқиндиларни фақат белгиланган жойга ташлашингизни, бу орқали, пойтахтимиз озодалигига ўз ҳиссангизни қўшишингизни сўраймиз”, - дейилади ҳокимлик хабарида.
