Аввалроқ, ижтимоий тармоқда Чирчиқ шаҳридаги комбинатда портлаш юз бергани ҳақида хабарлар тарқалди.
Тошкент вилояти ҳокимлиги Матбуот хизматининг хабарига кўра, 2022 йил 4 октябрь куни соат 08:40 ларда Чирчиқ шаҳридаги “Максам Чирчиқ” AЖ қарашли 5-заводда ёнғин содир бўлган, унинг оқибатида ишлаб чиқариш объектида портлаш вужудга келган.
Тошкент вилояти фуқаро муҳофазаси бошлиғи – вилоят ҳокими Зойир Мирзаев тегишли мутасаддиларга вазиятни зудлик билан бартараф етиш бўйича топшириқ берди.
Ҳолат ФВВ ва ҳуқуқ-тартибот идоралари томонидан дарҳол назоратга олинган. Ҳозирги пайтда заводда ёнғинни қуршаб олиш ва ўчириш чораси кўрилмоқда.
Расмий хабарларда жабрланганлар ҳақида маълумот берилмаган.
