Ўзбекистон бош вазири Aбдулла Aрипов амалий ташриф билан Қирғизистонга борди. Бу ҳақда Қирғизистон ҳукумати Матбуот хизмати хабар бермоқда.
Олий мартабали меҳмонни “Манас” халқаро аэропортида Қирғизистон Вазирлар Маҳкамаси раиси Оқилбек Жапаров кутиб олди.
Иш сафари доирасида Ўзбекистон бош вазири Қирғизистон ва Ўзбекистон ҳукумат делегацияларининг қирғиз-ўзбек давлат чегарасини делимитация ва демаркация қилиш масалалари бўйича қўшма мажлисида иштирок этади ҳамда Қирғизистон президенти билан учрашади.
