Ўзгидромет хабарига кўра, бугун, 12 сентябрь куни кундузи Ўзбекистон бўйича Волга бўйи ҳудудларидан кириб келган совуқ антициклон натижасида +23…+28 даража атрофида бўлган ҳарорат билан нисбатан салқин об-ҳаво сақланиб туради. Баъзи жойларда шамол 15-18 м/с гача кучайиши, айрим жойларда чанг тўзонлар кузатилиши мумкин.
Республика бўйича 13 сентябрда кечаси ва эрталаб совуқ антициклон таъсири сақланиб туради, ҳаво ҳарорати +10…+13 даражани ташкил этади. Кундузи антициклон республика ҳудудидан чекиниши бошлайди ва ҳаво +28...+30 даражагача исийди.
14 сентябрдан ва иш ҳафтасининг охиригача республика бўйича асосан қуруқ ва илиқ об-ҳаво бўлиши кутилмоқда.
Кечалари ҳаво ҳарорати +12…+17 даражагача, кундуз кунлари +29...+34 даража атрофида бўлади.
