Андижонда автомобиль йўлида “дрифт” қилиб, қарама-қарши йўналишда ҳаракатланган автомашина ҳайдовчиси ва уни видеога олган йигитлар ушланди. Бу ҳақда “БуКун” информацион дастурида маълум қилинди.
Таъкидланишича, ҳолат жорий йилнинг 31 августидан 1 сентябрига ўтар кечаси содир бўлган.
“Қарама-қарши йўналишга чиқса, видео чиройли чиқишини айтди. Магистрал йўлнинг устида мост бор. У ерда поезд юради. Сал “опаснийроқ” жой. Ўша ерда бошланди. Қарама-қарши йўналишга чиқиб, ҳаракатландик. Тезлик камида 120-130 бўлган. Машҳур бўлмоқчи бўлсангиз, номерингизни ечиб, “безномер” юринг деб айтдим. Бу видео учун жамоатчиликдан узр сўрайман”, - дейди тартиб бузган йигитлардан бири.
“Тонировка тортиб, номерими ечиб, “безномер” юрсам ҳеч ким тополмайди, деб ўйлагандим. Бу ҳаракатимдан афсусдаман. Халқимдан узр сўрайман”, - дейди рулда бўлган йигит.
Қайд этилишича, автомобиль жарима майдонига олиб борилган.
