Жорий йилнинг 20 август куни соат 23:54 атрофида Жиззах вилояти Шароф Рашидов туманида ўлим билан боғлиқ йўл-транспорт ҳодисаси содир бўлди. Бу ҳақда Жиззах вилояти ИИБ маълум қилди.
Унга кўра, Қашқадарё вилояти Яккабоғ туманида яшовчи шахс Cobalt автомашинасини Тошкент йўналиши бўйича бошқариб келаётганда, 1978 йилда туғилган пиёдани уриб юборган.
Аниқланишича, пиёда йўлнинг белгиланмаган жойидан кесиб ўтаётган бўлган. Ушбу ЙТҲ натижасида пиёда тан жароҳат билан шифохонага олиб келинган. Кўрсатилган тиббий муолажаларга қарамасдан, жабрланувчи шифохонада вафот этган.
