Ўзгидромет 2022 йилнинг июль ойидаги ҳаво ҳароратининг рекорд даражада исиши тўғрисида маълумотлар берди.
Жорий йилнинг 22 июль кунида Хоразм ва Навоий вилоятларининг баъзи жойларида метеорологик кузатувларнинг барча йиллари учун максимал ҳаво ҳароратининг абсолют рекордлари янгиланган: Туямўйин - 47,5 (ўтган йили 46,1) даража даража, Учқудуқ - 46,3 даража (ўтган йили 46,2).
Эслатиб ўтамиз, бутун метеорологик кузатувлар тарихи учун Ўзбекистонда ҳароратнинг энг юқори қийматлари (50 даража атрофида) Қизилқум чўли ва Термиз шаҳрида қайд этилган. Тошкентда 44,6 даражадаги максимал ҳарорат 1997 йил 18 июль куни ўрнатилган.
