Uzbekistan Airways Москва ва Нукус ўртасидаги рейсларни вақтинча Урганч аэропортига ўтказмоқда. Бу ҳақда авиакомпания Матбуот хизмати хабар берди.
“5 июлдан 29 июлгача Москва – Нукус – Москва йўналиши бўйича HY- 9626 ва HY -9625 рейслари Урганч халқаро аэропортидан амалга оширилади”, - дейилади компания хабарида.
Парвозлар “Урганч – Москва – Урганч” йўналиши жадвали бўйича амалга оширилади.
Аввалроқ, Uzbekistan Airways Тошкент ва Нукус ўртасида амалга ошириладиган қатновлар жадвалини вақтинча ўзгартиргани ҳақида хабар берган эдик.
