Интернет ижтимоий тармоқлари эркак аёлни қўлиб билан уриб, оёғи билан тепгани акс этган видеолавҳа тарқалди. Мазкур ҳолат юзасидан Фарғона вилояти ИИБ Матбуот хизмати муносабат билдирди.
Аниқланишича, жорий йилнинг 25 июн куни Данғара туманида яшовчи, ўзаро таниш бўлган А.Д, ва Н.Т. (аёл) ўртасида рашк туфайли келишмовчилик юзага келган.
Натижада, "Навбаҳор" МФЙ ҳудудида А.Д, Н.Т ни қўл ва оёқлари билан уриб, тепиб воқеа жойидан кетиб юборган.
Ҳозирда мазкур холат юзасидан судга оид тиббий экспертиза тайинланиб, Данғара туман ИИБ томонидан терговга қадар текширув ҳаракатлари олиб борилмоқда. Текширув якунига кўра қўшимча маълумот берилади.
