3 июнь куни “Ўзсувтаъминот" АЖ ва Жанубий Кореянинг K-Water корпорацияси ўртасида Ўзбекистонда ичимлик суви таъминоти ва канализация соҳасида салоҳиятни ошириш бўйича ҳамкорлик тўғрисидаги меморандумни имзолаш маросими бўлиб ўтди.
Меморандумга мувофиқ, дастлабки босқичда Тошкент шаҳрининг Миробод туманидаги Қўйлиқ-1 массивида 610 дона “ақлли” сув ҳисоблагич ўрнатиш режалаштирилган, деб хабар берди “Ўзсувтаъминот”.
Шуни таъкидлаш керакки, ҳисоблагичдан кўрсаткичлар GSM -модем ёрдамида масофадан узатилади.
Бугунги кунга қадар 18 та кўп қаватли уйга 500 дона “ақлли” ҳисоблагич ўрнатилди.
