Бу ҳақда Тошкент шаҳрида атмосфера ҳавоси ифлосланиши мониторинг натижаларига бағишланган матбуот анжуманида Ўзгидромет бош директори ўринбосари И.А.Каримов Тошкентда қурилишлар натижасида ҳавонинг ифлосланиши борасидаги саволларга жавоб берди.
"Деярли барча ҳудудларда қурилишлар давом этмоқда. Биз Тошкент шаҳрида яшаганлигимиз учун муаммони фақат Тошкент учун кўрамиз. Аслида барча ҳудудларда ҳам атмосфера ҳавосининг майда заррачалари, чанглар билан ифлосланиши биз учун муаммо. 5, 10 йилдан кейин қурилишлар тўхтайди. Амалга оширилаётган кўкаламзорлаштириш ишлари натижасида атмосфера ҳавомиз яхши бўлади, дея оламан.
Ҳар йили экилаётган дарахтлар ўсади ва шаҳардаги яшиллик 3 фоиздан 30 фоизга етади. Мутахассис сифатида айтаман 5, 10 йилдан кейин шаҳар ҳавоси яхши бўлди", - деди И.А.Каримов.
