Бугун АОКАда Давлат божхона хизмати органларининг 2022 йил I чорак якунлари бўйича брифинг бўлиб ўтди. Унда Давлат божхона қўмитаси ахборот хизмати бошлиғи Хусан Тангриев қуйидагиларни маълум қилди.
Унга кўра, жорий йилнинг 3 ойида тезкор тадбирларда 503,6 кг гиёҳвандлик воситалари ушланди. 101 минг дона кучли таъсир этувчи ва 1,6 минг дона психотроп моддалар аниқланди. Шунингдек, 1 млн долларга тенг нақд хорижий валюта тўхтатиб қолинди. Бу кўрсаткич ўтган йилнинг шу даврига нисбатан 10 баробарга ошгани таъкидланди.
