Тошкент шаҳар ИИББ Матбуот хизмати хабарига кўра, бугун, 28 март куни тахминан соат 15.00 - 15.15 ларда Амир Темур хиёбони олдида 3-4 фуқаро бир нафар йигит ва қизни ЛГБТ фаоллари деб гумонлаб, уларни уришга ҳаракат қилган.
Ушбу фуқароларга яна 20-25 нафар бошқа шахслар қўшилиб, безорилик ҳаракатлари содир
этилган.
Тошкент шаҳар ИИББ ва Миллий Гвардия ходимларининг ёрдами билан Т.С. ва Б.Р.га тан жароҳати етмаган. Жанжални бошлаган ва фаол иштирокчиси бўлган фуқароларнинг 12 нафари ушланди.
Мазкур ҳолат бўйича Миробод тумани ИИО ФМБ Тергов бўлими томонидан Жиноят кодексининг 277-моддаси 2-қисми (“Безорилик”) аломатлари билан жиноят иши қўзғатилди. Айни пайтда тергов ҳаракатлари давом этмоқда. Аниқланишича, мазкур жанжалда диний мазмундаги низо бўлмаган.
