ИИВ ЙҲХББнинг хабарига кўра, 25 октябрь куни соат 11:26да Навоий шаҳрининг И.Каримов ва Ўзбекистон кўчалари кесишган чорраҳада ЙТҲ содир бўлган.
20 ёшли Lacetti ҳайдовчиси Б.Ҳ. пиёдалар йўлакчасидан ўтаётган 44 ёшли аёлни уриб юборган.
Ижтимоий тармоқларда тарқалган видеода жабрланувчи автомобилдан қочишга урингани, лекин ҳайдовчи ҳаракатни давом эттириб, фуқарони уриб юборганини кўриш мумкин.
Ҳодиса оқибатида пиёда тан жароҳати олиб, шифохонага ётқизилган.
Мазкур ЙТҲ юзасидан Навоий шаҳар ИИБ ЙҲХБ ходимлари томонидан суриштирув ҳаракатлари олиб борилмоқда.
