Шавкат Мирзиёев Шоазим Шоисламович Миноваровни Ўзбекистон президентининг жамоат ва диний ташкилотлар билан ҳамкорлик масалалари бўйича маслаҳатчиси лавозимига тайинлаш тўғрисидаги фармонни имзолади.
Эслатиб ўтамиз, аввалроқ Президентнинг жамоат ва диний ташкилотлар билан ҳамкорлик масалалари бўйича маслаҳатчиси, Ўзбекистон халқаро ислом академияси ректори Рустам Қосимов оғир касалликдан сўнг вафот этганди.
Маълумот учун, Шоазим Миноваров айни вақтда Вазирлар Маҳкамаси ҳузуридаги Ўзбекистондаги Ислом цивилизацияси маркази директори ҳам ҳисобланади.
