Бугун, 26 июль куни соат 13:14 да Тошкент шаҳар Олмазор тумани Аҳмад Дониш кўчасида жойлашган “Замондош” ошхонасида ёнғин содир бўлди. Бу ҳақда ФВВ Матбуот хизмати маълум қилди.
Ёнғин ФВВнинг 5 та ёнғин-қутқарув гуруҳи томонидан соат 14:31 ўчирилди. Ҳодиса натижасида ошхона биносининг тахминан 400 кв.метр майдони зарарланган.
“Ҳодиса оқибатида тан жароҳати олган ва ҳалок бўлганлар тўғрисида маълумот келиб тушмади”, - дейилади хабарда.
