Туризм ва спорт вазирлиги хабарига кўра, Ўзбекистон паралимпия терма жамоаси аъзоларидан олинган тест натижаларига кўра, дзюдо бўйича бир нафардан спортчи ва мураббийда коронавирус инфекцияси аниқланди ва улар карантинга олинди.
Бундан ташқари терма жамоа байроқдори Нурхон Қурбонова самолётда уларга яқин масофада бўлганлиги сабабли унга ҳам карантин эҳтиёт чораси қўлланилди.
Шу сабабли параканоэ бўйича жаҳон чемпиони Шаҳноза Мирзаева Муҳаммад Рехсимов билан биргаликда байроқдор сифатида бугун Тошкент вақти билан соат 16:00 да бошланадиган Паралимпия ўйинлари очилиш маросимида қатнашади.
