30 августдан бошлаб поездлар қатнови бўйича янги жадвал жорий этилади. Бу ҳақда “Ўзбекистон темир йўллари” АЖ Матбуот хизмати хабар берди.
Унга кўра, Чилонзор ва Сергели йўналишларида соат 07:30 дан 09:00 гача поездлар оралиғи 3 дақиқани, кечки соат 16:30 – 19:00 орасида оралиқ вақт 4 дақиқани ташкил қилади.
Ўзбекистон йўналишида соат 07:30 – 09:00 орасида поездлар оралиғи 4 дақиқа, 16:30 – 19:00 да эса 5 дақиқа бўлади.
Юнусобод йўналишида эса поездлар ҳаракатланишида оралиқ интервал соат 07:30 дан 09:00 гача 6 дақиқа бўлса, 16:30 дан 19:30 гача поездлар қатнови ҳар 7-дақиқада амалга оширилади.
Шунингдек, 30 августдан бошлаб Тошкент метрополитенининг барча линиялари соат 05:00 дан 00:00 гача ишлайди.
Айни пайтда Юнусобод ва Ҳалқа ерусти йўналишлари соат 06:00 дан 23:00 гача ишламоқда.
