Бугун, 11 сентябрь куни соат 14:36 да Юнусобод тумани Бодомзор кўчасида жойлашган Grand somsa кафесида ёнғин чиққан.
Мазкур ҳолат бўйича Тошкет шаҳар ФВБнинг 6 та ёнғин-ўчириш экипажи соат 14:39 да воқеа жойига етиб борган. Ёнғин соат 15:02 да ўраб олиниб, соат 15:19 да тўлиқ бартараф этилган.
Ёнғин натижасида ошхонанинг тахминан 150 кв.м. майдонида том ва шифт қисми ёниб зарарланган.
Ҳодиса оқибатида ҳалок бўлган ва жабрланганлар йўқ. Ҳозирда ёнғин сабаби ва моддий зарар миқдори аниқланмоқда.
