9 сентябрь куни соат 13:30 да муқаддам судланган 38 ёшли Дурдона A. маст ҳолатда ҳеч бир сабабсиз Яшнобод тумани Қорасув кўчасидаги уйнинг 9-қаватидан креслони улоқтириб юборган.
Воқеа жойига етиб келган профилактика инспекторига суҳбат давомида аёл анчадан буён эски мебелидан қутулмоқчи бўлганини, аммо подъезд орқали чиқаришга эринганини айтган ва бу ишидан афсусдалигини билдирган. Ҳолат туфайли ҳеч ким жабрланмаган.
Дурдона А.га нисбатан Маъмурий жавобгарлик тўғрисидаги кодексининг 183-моддаси (“Майда безорилик”) бўйича баённома расмийлаштирилди.
Мазкур факт бўйича тўпланган ҳужжатлар Яшнобод тумани судига йўналтирилди.
