Жорий йилнинг 19 октябридан бошлаб Тошкентда жамоат транспортида турли юқумли мавсумий инфекциялар тарқалишининг олдини олиш ва йўловчилар саломатлигини асраш мақсадида йўловчилардан тиббий қўлқопда бўлишлари шартлиги айтилганди.
Маълум қилинишича, қоида барча Тошкент шаҳар жамоат транспорти (автобус, метро, йўналишли такси) хизматидан фойдаланганда йўловчиларнинг тиббий ниқоб ва қўлқопда бўлиш тартиби жорий этилади.
Транспорт вазирлиги Ахборот хизмати хабарига кўра, бунда ташувчилар томонидан жамоат транспорти йўловчиларига қўлқоплар бепул тақдим этилади.
Йўловчилар метро станцияларига киришда, автобус ҳамда микроавтобусга чиқиш вақтида касса ходимлари, кондуктор ва ҳайдовчилардан қўлқопларни олишлари мумкин.
Ушбу қоидани киритишдан мақсад Тошкент шаҳар жамоат транспортида йўловчиларнинг саломатлигини асраш эканлиги хабар қилинганди.
