Бугун, 22 октябрь куни Марказий банк биносида “Пул-кредит сиёсатининг 2021 йил ва 2022-2023 йиллар даврига мўлжалланган асосий йўналиши” ҳамда асосий ставка бўйича Бошқарув йиғилиши қарори юзасидан матбуот анжумани бўлиб ўтди.
Матбуот анжуманида Марказий банк Раиси Мамаризо Нурмуратов иштирок этди.
Маълум қилинишча, бугун бўлиб ўтган Марказий банк Бошқаруви йиғилишида асосий ставкани ўзгаришсиз – йиллик 14 фоиз даражасида қолдириш бўйича қарор қабул қилинган.
Шу билан бирга, Марказий банк Бошқарувининг 2020 йил 22 октябрдаги йиғилишида “Пул-кредит сиёсатининг 2021 йил ва 2022-2023 йиллар даврига мўлжалланган асосий йўналишлари” тасдиқланди.
Эслатиб ўтамиз, Марказий банк Бошқаруви жорий йил 10 сентябрдаги йиғилишида асосий ставкани 1 поғонага пасайтириб, 14 фоиз даражасида белгилаш бўйича қарор қабул қилган эди.
