Навоийда давлат хизматлари кўрсатилиши бўйича 64 нафар мансабдор ва масъул ходимга маъмурий жазо чораси қўлланилди. Бу ҳақда вилоят ДХМ матбуот хизмати хабар берди.
Навоий вилоятида 2020 йилнинг 9 ойи мобайнида 121 229 давлат хизмати кўрсатилган бўлиб, мазкур мурожаатларнинг 388 таси давлат органлари ва бошқа ташкилотлар томонидан қонун бузилиши ҳолати аниқланган.
ДХА Навоий вилояти бошқармаси ахборот хизматининг маълум қилишича, давлат хизмат кўрсатувчи ташкилотлари мансабдор ва масъул ходимларининг 61 нафарига нисбатан маъмурий баённома тўлдирилган, 64 нафари эса маъмурий жазога тортилган.
Ўз вазифасига эътиборсизлик билан қараган 18 нафар ходимга нисбатан интизомий чоралар қўлланилган.
