“Ўзсаноатқурилишматериаллари” уюшмаси Матбуот хизмати хабарига кўра, ўтган йиллар мобайнида мамлакатда 120 турдаги қурилиш материаллари ишлаб чиқарилган бўлса, бугунга келиб ушбу кўрсаткич 180 дан ортган.
2016 йилда саноат корхоналарининг сони 8 ярим мингтани ташкил этган бўлса, ҳозирда соҳада 12 ярим мингдан ортиқ корхоналар фаолият кўрсатмоқда.
“Ўзсаноатқурилишматериаллари” уюшмаси жорий йилда 14,5 млн тонна цемент (2019 йилда – 11 млн тонна), 32 млн кв метр керамик плитка (2019 йилда – 30,9 млн кв. метр), 23 млн кв. м. (2 мм ўлчам) архитектура-қурилиш ойнаси (2019 йилда – 18,9 млн кв. метр), 61 млн кв. метр гипсокартон (2019 йилда – 59,9 млн кв. метр), 2 млн 600 минг ўрам гулқоғоз (2019 йилда – 656 минг ўрам), 650 минг дона санитар-техник буюмлар (2019 йилда – 645 минг дона), 67 минг тонна иссиқлик сақловчи материаллар (2019 йилда – 63,5 минг тонна) ишлаб чиқаришни режалаштирган.
Эслатиб ўтамиз, Давстатқўм жорий йилда 65,2 трлн сўмлик қурилиш ишлари бажарилганини маълум қилганди.
