Ўзбекистон халқ артисти Ёдгор Саъдиев Ўзбек миллий академик драма театри директори этиб тайинланди. Бу ҳақда Маданият вазирлиги Матбуот хизмати маълум қилди.
Айни вақтда театрда жамоаси билан йиғилиш ўтказилмоқда. Унда иштирок этаётган Ўзбекистон Республикаси Маданият вазири – Ўзбекистон халқ артисти Озодбек Назарбеков Ёдгор Саъдиевни Ўзбек Миллий академик драма театри директори лавозимига тайинланганини эълон қилган.
Маълумот ўрнида, Ёдгор Саъдиев 1946 йилда Тошкентда таваллуд топган. Ёдгор Саъдиев "Шайтанат" сериалидаги "Асадбек" образи билан мухлисларга яхши танилган.
Эслатиб ўтамиз, 2015 йилдан буён театр директори лавозимида ишлаб келаётган Ўзбекистонда хизмат кўрсатган артист Фатҳулла Маъсудов жорий йилнинг 30 август куни коронавирус сабаб вафот этган эди.
