«Тошкент шаҳар сув таъминоти» МЧЖ Яшнобод тумани аҳолисини туманнинг айрим ҳудудларида ичимлик суви таъминотида узилишлар бўлиши ҳақида огоҳлантирди.
Маълум қилинишича, 2 ноябрь куни соат 9:00 дан 3 ноябрь соат 20:00 га қадар Яшнобод тумани Паркент ва Оҳангарон шоҳ кўчасидаги ичимлик суви қувурида таъмирлаш ишлари олиб борилади. Шу муносабат билан ушбу вақт оралиғида қуйидаги манзилларга ичимлик суви таъминоти тўхтатилади:
— “Наврўзобод” маҳалласи;
— “Парвоз” маҳалласи;
— Амир Темур маҳалласи;
— Паркент тор кўчаси;
— Авиасозлар 4-мавзеси;
Сув босими пасаядиган ҳудудлар:
- “Авиасозлар”, “Яшнабод”, “Фазогир”, “Баркамол”, “Бешариқ”, “Илтифот”, “Дилбоғ”, “Бирлашган”, “Донишманд” маҳаллалари.
“Тошкент шаҳар сув таъминоти” МЧЖ ноқулайликлар учун узр сўрайди ва сув таъминоти бўйича мурожаатлар қуйидаги рақамлар орқали қабул қилади: 71 293-44-32; 1054.
