Ижтимоий тармоқда «Дангал отахон ёхуд дислокация машмашаси» сарлавҳаси остидаги видео тарқалди. Тошкент шаҳар ИИББ ЙҲХББ шу бўйича маълумот берди.
Видео лавҳада акс этган ҳолат ўрганилганда, жорий йилнинг 7 октябрь куни Тошкент шаҳар ИИББ ЙҲХББ ЙПХ инспектори С. Аҳмедов томонидан Шайхонтоҳур тумани ҳудудида «ВАЗ-2106» русумли, 01 Т 446 ОА давлат рақам белгили автомобиль ҳайдовчиси ташқи ёритиш асбобларидан фойдаланиш қоидаларини бузганлиги аниқланган ва унга нисбатан Маъмурий жавобгарлик тўғрисидаги Кодекснинг 128-моддаси 1-қисми тартибида баённома расмийлаштирилган.
ЙПХ ходими ва ҳайдовчи ўртасидаги ўзаро мулоқот жараёни ҳайдовчи томонидан видео тасвирга олиниб ижтимоий тармоқда тарқатилган.
'"Мазкур ҳолат юзасидан Тошкент шаҳар ИИББ ЙҲХББ томонидан хизмат текшируви ўтказилмоқда. Текширув хулосаси бўйича қўшимча маълумот берилади», дейилади хабарда.
