Бугун, 5 ноябрь куни соат 03:30 ларда, Тошкент шаҳар, Олмазор тумани, Келес йўли кўчасида Spark ҳайдовчиси тезликни оширган вақтида бошқарувни йўқотиб, йўл четидаги дарахтга бориб урилган. Бу ҳақда ИИВ ЙҲХББ Ахборот хизмати хабар берди.
Оқибатда 29 ёшли ҳайдовчи оғир тан жароҳатлари олиб воқеа жойида вафот этган. Шунингдек, Spark йўловчиси 34 ёшли К.Қ. шифохонага ётқизилган.
Ушбу ЙТҲ бўйича Тошкент шаҳар Тергов бошқармаси томонидан жиноят иши қўзғатилиб, ҳозирда тергов ҳаракатлари олиб борилмоқда.
