Жорий йилнинг 9 ойи якунларида ялпи ички маҳсулот таркибида қурилиш тармоғининг улуши 7,4 фоизни ташкил этиб, ўтган йилнинг мос даврига нисбатан 0,5% пунктга ошган.
Давлат статистика қўмитаси маълумотларига кўра, 2020 йил январь-сентябрь ойларида Ўзбекистон ялпи ички маҳсулоти (ЯИМ) ҳажми жорий нарxларда 408,3 трлн. сўмни ташкил этди.
Жорий йилнинг 9 ойи якунларида ялпи ички маҳсулот таркибида тармоқларнинг улуши ўтган йилнинг мос даврига нисбатан қуйидагича ошган:
– қишлоқ, ўрмон ва балиқчилик хўжалигининг улуши – 27,3 % дан 27,9 % га (0,6 % пунктга)
– қурилиш тармоғининг улуши – 6,9 % дан 7,4 % га (0,5 % пунктга)
Айрим тармоқлар эса ўтган йилнинг мос даврига нисбатан қуйидагича камайган:
– саноатнинг улуши – 29,3 % дан 28,5 % га (0,8 % пунктга)
– хизматлар соҳасининг улуши – 36,5 % дан 36,2 % га (0,3 % пунктга)
Маълумот учун, 1 октябрь ҳолатига республика бўйича 65,2 трлн. сўмлик қурилиш ишлари бажарилган. Ўтган йилнинг мос даврига нисбатан ўсиш суръати 108,6 % га тенг.
