30 сентябрда Ўзбекистоннинг шимолий ҳудудларига, 1-3 октябрда республиканинг қолган ҳудудларига Волга бўйи орқали Россиянинг Европа қисмининг (Москва вилояти) марказий ҳудудлари устида шаклланган совуқ ва нам ҳаво массалари кириб келади, дея хабар бермоқда Ўзгидромет.
Маълумотга кўра, 1-3 октябрда ҳаво ҳарорати кечалари аста-секин +3...+8 даражагача, кундуз кунлари +12...+17 даражагача, шимолда кечалари +0...+5 даражагача, кундуз кунлари +10...+15 даражагача пасаяди.
1-2 октябрда республика бўйича баъзи жойларда, 3 октябрда Фарғона водийси вилоятларида ёмғир ёғади, 2-3 октябрда тоғолди ва тоғли ҳудудларнинг баъзи жойларида кучли бўлиши мумкин, баланд тоғларда ёғингарчилик (ёмғир қорга айланади) бўлади.
30 сентябрда ва 1-2 октябрда республика бўйича баъзи жойларда шамол 17-22 м/с гача кучайиши кутилмоқда.
2 октябрь эрталабки ҳаво ҳарорати харитаси
