Ўзгидрометнинг огоҳлантиришича, 2020 йил 19 ноябрь маҳаллий вақт билан соат 08:00 дан 20 ноябрь соат 08:00 гача денгиз сатҳидан 2000м баландликда жойлашган Чимён тоғ зонасида қор кўчки хавфи бор.
Эслатиб ўтамиз, кеча ФВВ ҳам ноқулай об-ҳаво шароити 20 ноябрь кунига қадар давом этиши кутилаётгани ҳақида огоҳлантириб, фуқаролардан заруратсиз шахсий транспорт воситаларидан фойдаланмасликка чақирганди.
Шунингдек, мамлакат аҳолиси тезлиги 15-20 м/с гача етиши мумкин бўлган шамол, кечаси 8-15 даража, кундузи 0-5 даража совуқ ҳамда ҳаво ҳароратидаги кескин ўзгаришлар натижасида йўлларда музлама ва тирбандликлардан огоҳлантирилди.
