Президент Шавкат Мирзиёевнинг бевосита назорати остида бугун "Меҳр" операциясининг навбатдаги босқичи амалга оширилди. Бу ҳақда UzReport АА хабар берди.
Суриянинг жанговар ҳаракатлари олиб борилаётган ҳудудларидан 98 нафар ўзбекистонлик, яъни 25 нафар аёллар ва 73 нафар болалар олиб келинди.
Улар барча қулайликларга эга бўлган соғломлаштириш муассасаларига жойлаштирилиб, иссиқ овқат ва кийим кечак билан таъминланади. Мутахассислар томонидан тиббий ва психологик ёрдамлар кўрсатилади.
Шунингдек, уларнинг шахсини тасдиқловчи ҳужжатларни расмийлаштириш бўйича ҳам тегишли ишлар амалга оширилади.
Аввалроқ, Сурияда оғир аҳволда қолган ўзбекистонликлар олиб келиниши хабар қилинганди.
Эслатиб ўтамиз, ўтган йили "Меҳр" ва "Меҳр-2" операциялари давомида Сурия ва Ироқда қолиб кетган ватандошлар қайтарилганди.
