Ўзгидромет хабарига кўра, 12 декабрь куни жануби-ғарбий ҳудудларда, 13 декабрда эса Самарқанд, Жиззах, Қашқадарё, Сурхондарё вилоятларининг баъзи жойларида бироз қор ёғиши мумкин.
Мазкур кунларда ҳаво ҳарорати ўзгармайди: тунги ҳарорат -2...-7 даража атрофида, кундузи эса — 0...+5, айрим жойларда -2 даражагача бўлади.
Шимол бўйлаб ҳарорат кечаси -12...-17 даража ҳамда кундузи -4...-9 даража атрофида сақланиб туради.
Бундай ҳаво ҳарорати декабрь ойининг ўртаси учун ўртача кўп йиллик қийматлардан 6-9 даражага паст.
